If you don't love ຖ້າບໍ່ມັກຢ່າເຮັດໃຫ້ຮັກໄດ້ບໍ....
"If you don't love ຖ້າບໍ່ມັກ ຢ່າເຮັດໃຫ້ຮັກໄດ້ບໍ...."
ຫມວດ : ຮັກດຣາມ່າ
ນາມປາກກາ : ສຳພັນສັນເຫງົາ
Ep 0 >> ອຳລຳພະບົດ

{{Rrrrrrr.....Rrrrrrr}}

"ຮາໂລ ມີຫຍັງ "

" ຮອດໂຮງຮຽນລະ"

" ອືມ "

"ເຫັນຫ້ອງລະ "

" ກຳລັງຫາ "

"....ເໝີຍ.... ບໍ່ຄິດຊິຖາມຕອບຫຍັງຍາວເລີຍເບາະ"

" ບໍ່ "

" ແລ້ວແບບນີ້ ມຶງຊິເຂົ້າສັງຄົມໄດ້ຈັງໃດ ຖ້າຍັງຖາມຄຳຕອບຄຳແບບນີ້ ແຖມຕອບກວນຕີນອີກ !!! "

" ເຂົ້າເຮັດຫຍັງສັງຄົມ "

" ເຮີ້ຍ.... ກູລະເມື່ອຍນຳມຶງເດະ ຖ້າບໍ່ຕິດວ່າຈ່າຍຄ່າຮຽນຢູ່ນີ້ ກູຊິຕາມໄປຮຽນນຳມຶງເລີຍ ຈັກແມ່ມຶງຊິຍ້າຍໄປເຮັດຫຍັງ ຈົນປີສຸດທ້າຍລະ "

“ ຈັກນຳລາວ” ແລະກູກະບໍ່ຢາກຖາມລາວພ້ອມ
ເບື່ອອອອອອ

“ຕອບປານບໍ່ໄດ້ລົມກັບແມ່ເນາະ ເອົ້າ ຈັງໃດກະຢ່າ ມຶງຕ້ອງເຮັດໂຕດີໆເດີ້ ຢ່າໄປເຫົ່າກັດໃຜລະ "

“ ກູບໍ່ແມ່ນຫມາ”

“ ຫນັກກວ່າຫມາອີກມຶງຫະ ອາ…ກູເຂົ້າຫ້ອງກ່ອນລະ ອາຈານຂຶ້ນແລ້ວ ຢ່າລືມ!!!ຮຽນເຂົ້າສັງຄົມແນ່ເດີ້”

“ …..”

“ເດີ້!!!!!”

“ ເອີໆ “ ຂ້ອຍຕອບປັດສົ່ງໆໄປເພາະລຳຄານມັນ
ຈິນ ເປັນຫມູ່ກັບຂ້ອຍແຕ່ຍັງນ້ອຍ ເຮົາຢູ່ເຮືອນໃກ້ກັນ ຮຽນໂຮງຮຽນດຽວກັນແຕ່ປະຖົມຈົນເຖິງ ມປາຍ ມັນເປັນຫມູ່ສະນິດຄົນດຽວໃນຊີວິດທີ່ຂ້ອຍມີເລີຍກໍວ່າໄດ້
ຈິນ                         ເໝີຍ
ສົດໃສ                   ສົດເສົ້າ
ປາກຫວານ           ປາກຫມາ
ຍິ້ມເກັ່ງ                     ເສົ້າເກັ່ງ
ຫມູ່ຫລາຍ          ມີມັນຄົນດຽວ
ຫນ້າຮັກ             ຫນ້າບູດຕູດລີງ

ຫຶ! ເຮົາຕ່າງກັນສຸດຂົ້ວ ແປກເນາະ ແຕ່ກະຍັງຫຼິ້ນນຳກັນໄດ້ ໃຜຊິຮູ້ ເຮົາອາດຈະເຟກໃສ່ຫນ້າກາກເຂົ້າຫາກັນກະໄດ໋ມັນເປັນເລື່ອງປົກກະຕິຂອງສັງຄົມບໍ່ແມ່ນເບາະ

ໃສ່ຫນ້າກາກເຂົ້າຫາກັນ

ເຮົາຍິ້ມຕໍ່ຫນ້າ ລັບຫຼັງນິນທາ ຕໍ່ຫນ້າຫວັງດີ ລັບຫຼັງຖືມີດ ສັງຄົມກະມີແຕ່ແບບນີ້ແລ້ວຍັງຊິໃຫ້ຂ້ອຍເຂົ້າໄປຮູ້ຈັກເຮັດຫຍັງ ຫຶ ປັນຍາອ່ອນ ເວລາທີ່ຂ້ອຍຮູ້ສຶກເບື່ອໜ່າຍຫຼືຫຍັງທີ່ຕ້ອງພົບດຸໆຂ້ອຍມັກຈະບອກວ່າ ປັນຍາອ່ອນ ແລະແນ່ນອນສັງຄົມຄືສິ່ງທີ່ປັນຍາອ່ອນທີ່ສຸດສຳລັບຂ້ອຍ ບໍ່ມີທາງທີ່ຂ້ອຍຈະກັບໄປທຳຄວາມຮູ້ຈັກຄວາມເຈັບປວດແບບນັ້ນອີກແນ່ນອນ
ຂ້ອຍບໍ່ແນ່ໃຈວ່າຕົວເອງຍິ້ມຫົວຄັ້ງລ່າສຸດໃນຊີວິດຕອນໃດ ມັນຕາຍດ້ານຄວາມຮູ້ສຶກໄປຫລາຍຢ່າງຕັ້ງແຕ່ຍັງນ້ອຍການຕື່ນເຕັ້ນເຂົ້າໂຮງຮຽນຂອງໃຜຫຼາຍໆຄົນມັນໃຊ້ບໍ່ໄດ້ກັບຂ້ອຍເລີຍ ຈົນເຖິງຕອນນີ້ກໍຄືກັນ ຂ້ອຍໄດ້ຍ່າງມາຢຸດຢູ່ທີ່ປະຕູຫ້ອງ 7/1 ໃນໂຮງຮຽນຫຼູຂອງເມືອງຫຼວງວຽງຈັນ ແມ່ນແລ້ວ ສົງຄາມແຫ່ງຄວາມເບື່ອໜ່າຍກຳລັງຈະຕູ້ມອີກຄັ້ງຫນຶ່ງ…….
#ເຫມີຍເສີຍຊາ
#ຖ້າບໍ່ມັກຢ່າເຮັດໃຫ້ຮັກໄດ້ບໍ
SHARE
Writer
ThudsanyPHILAVANH
Writer
My feeling, my dream and improve another people by my heart

Comments