........ເລື່ອງມັນຝັງໃຈ ແຕ່ຢາກຂຸດອອກ........

ຜູ້ຍິງ...ເວລາຜູ້ຍິງຖືກຜູ້ຊາຍເຂົ້າມາຈີບຫລືເຂົ້າມາສົນໃຈຫລືຍອດມຸກ ຫລື ຖືກຈ້ອງ...ຕາມປະສາຜູ້ຍິງເວົ້າກັນໃນມຸມຜູ້ຍິງ ໃນຄວາມຈິງກະຕ້ອງຮູ້ສຶກມີດີໃຈຫຍັງລະ ຜູ້ຍິງສ່ວນໃຫຍ່ກະຕ້ອງການແນວນັ້ນ
ຂ້ອຍກະຢາກເປັນແນວນັ້ນ...
ແຕ່ຂ້ອຍຮູ້ສຶກເຈັບທຸກຄັ້ງ ຮູ້ສຶກສົມເພດ ສົມນ້ຳຫນ້າໂຕເອງ
ມັນຮູ້ສຶກເຈັບໃຈ  ເສຍຄວາມມັ່ນໃຈ ເພາະເມື່ອເຈີເຫດການແບບນີ້ຢູ່ທາງຫນ້າ ມັນເຮັດໃຫ້ຂ້ອຍຮູ້ສືກໄປຕອນຢູ່ມໍຕົ້ນ...ຕອນທີ່ຂ້ອຍຖືກຜູ້ຊາຍຄົນຫນຶ່ງກໍ່ກວນບໍ່ຮູ້ຊິເວົ້າແລະບໍ່ຢາກເອີ້ນວ່າຈີບ ຈັ່ງໃດດີຕອນນັ້ນບໍ່ມີໂທລະສັບແຊັດລົມກັນຫຍັງດອກ ມັນກວນກັນເຊິ່ງໆຫນ້າ ແລະ ກະບໍ່ແມ່ນຊິເວົ້າຫວານຢອກຈີບ ແຕ່ມາລອຍຕົວຢູ່ອ້ອມໆຕົວເຈົ້າເລີຍ ຂ້ອຍພະຍາຍາມຢູ່ຊື່ໆແລ້ວ  ເຮົາພັດໄປມັກ ຍ້ອນເປັນຜູ້ຊາຍຄົນທຳອີດຕິເບາະທີ່ຕື້ແບບນີ້ ແລະ ເກິດມາຍັງບໍ່ເຄີຍເຈີແບບນີ້ ແຕ່ສຸດທ້າຍກະພົບວ່າມັນເປັນພຽງການຢອກຕາມປະສາເດັກນ້ອຍຜູ້ຊາຍຄົນຫນຶ່ງທີ່ມີຄວາມຂີ້ດື້  ທຸກຄັ້ງເຂົາຢອກ ເຂົາຢອກແຕ່ເຂົາບໍ່ເຄີຍຮູ້ດອກວ່າເຮົາຍິ້ມບໍ່ອອກ ແລະມັນໂຄດເຈັບໃຈທີ່ວ່າເຮົາຄິດໄປເອງ ແລະ ກະໄດ້ແຕ່ນຶກໂທດຕົວເອງໃນຕອນນັ້ນທີ່ວ່າໂງ່ແທ້ 
ຜູ້ຊາຍຫລາຍຄົນຢືນຫົວຂັວນຜູ້ຍິງຄົນຫນຶ່ງເປັນເຫດການທີ່ລືມບໍ່ລົງເລີຍ ເຮັດໃຫ້ເກີດຄຳຖາມຂຶ້ນມາຫລາຍຄຳຖາມລະກະສັບສົນເພາະມັນບໍ່ມີຄຳຕອບ ເຂົາເຂົ້າມາຫາເຮົາຍ້ອນເຮົາເບິ່ງແລ້ວມັນຕະຫລົກແມ່ນບໍ?ປະຫລາດ? ເລີຍຄິດວ່າກວນລະມ່ວນກະເທົ່ານັ້ນ ?
ແລະກະບໍ່ຮູ້ວ່າເປັນຫຍັງຈັ່ງຝັງໃຈ ເປັນຫຍັງທຸກໆເທື່ອທີ່ໄດ້ຍິນ ຖືກຢອກ ມັກຄິດເລື່ອງນີ້ຂຶ້ນມາແບບອັດຕະໂນມັດ ມັກຈະຄິດສະເຫມີວ່າຜູ້ຊາຍຄົນທີ່ຢືນຢູ່ທາງຫນ້າເຮົານີ້ເປັນພວກດຽວກັນກັບພວກນັ້ນ  ທັງໆທີ່ເຫດການແບບນີ້ຜູ້ຍິງຄົນອື່ນກະເຈີແຕ່ເຂົາຍັງບໍ່ເປັນ ແຕ່ຂ້ອຍຝັງໃຈ ມັນເປັນເລື່ອງບໍ່ໄດ້ຮ້າຍແຮງບໍ່ແມ່ນການຖືກຫັກອົກຫລືເປັນຍ້ອນພູມຕ້ານທານຂ້ອຍມັນຕ່ຳກວ່າຜູ້ຍິງຄົນອື່ນ
ຂ້ອຍຍັງບໍ່ເຂົ້າໃຈຂ້ອຍໃຫຍ່ແລ້ວ
ແຕ່ເຈີຜູ້ຊາຍມາຢອກເປົ່າຜ່ານຫູນ້ອຍຫນຶ່ງມັນເຫດໃຫ້ຂ້ອຍຮູ້ສຶກບໍ່ດີ ຄ້າຍຄືພວກປະສາດຫລອນວ່າ
《ເຂົາເຫັນເຮົາຕະຫລົກ》
ທີາເປັນແບບນັ້ນບໍ່ແມ່ນຄິດວ່າຜູ້ຊາຍບເປັນແບບດຽວກັນຫມົດທຸກຄົນ ບໍ່ໄດ້ຄິດວ່າພວກເຂົາມັກຫລິ້ນກັບຄວາມຮູ້ສຶກ ແຕ່ເປັນຍ້ອນຂ້ອຍບໍ່ມີຄວາມມັ່ນໃຈເອງ
ຂ້ອຍຮັບບໍ່ໄດ້ຖ້າຫາກຕົນເອງຊິເປັນແບບນັ້ນ ຕໍ່ໃຫ້ມີຄົນມາເຮັດແບບນີ້ໃຫ້ກະຊິບໍ່ຄິດເກີນກັບເຂົາເດັດຂາດ  ພະຍາຍາມຢ້ຳໂຕເອງສະເຫມີ 《ມຶງຢ່າໄປຄິດກັບເຂົາໃດ໋ຮູ້ໂຕເອງບໍວ່າມຶງເປັນໃຜ》ນອກຈາກນີ້ແລ້ວຕໍ່ໃຫ້ເຈົ້າມັກໃຜເຈົ້າກະບໍ່ມີວັນສົມຫວັງ ເພາະເຂົາເຮັດໃຫ້ເຮົາເຊື່ອ່າ ເຮົາເປັນໂຕປະຫລາດຕະຫລົກ ຕົວະງ່າຍ....
ອີກຢ່າງຫນຶ່ງ ເພາະຂ້ອຍເຂົ້າໃຈ ວ່າຜູ້ຊາຍເຂົາເປັນຄົນອາລົມດີເຟນດີ ມັນບໍ່ແປກທີ່ເຂົາຈະຢອກຫລືຈີບໄປເລີຍ ແລະ ມັນກະເປັນໄປບໍ່ໄດ້ທີ່ເຮົາຈະໄປປະກາດ ຫລື ໂວຍວາຍ ວ່າຫ້າມເຮັດແບບນີ້ ແຕ່ເວລາເຈີເຫດການແບບນິ້ມັນຢຸດຄິດຫົດຫູ່ບໍ່ໄດ້ ຂ້ອຍກະບໍ່ຢາກເປັນແບບນີ້ດອກ ມັນທໍລະມານ ຮູ້ສຶກວ່າເປັນຜູ້ຍິງໂຕຕະຫລົກ  
ພຽງແຕ່ຈິນຕະນາການວ່າເຂົາຫົວຂັວນໃຫ້ເຮົາ ມັນກະຮູ້ສຶກຮັບໂຕເອງບໍ່ໄດ້ແລ້ວ 
ຂ້ອຍຄິດວ່າການທີ່ເຮົາມັກຜູ້ຊາຍທີ່ບໍ່ໄດ້ມັກບໍ່ໄດ້ຢອກຫລືຈີບເຮົາ
ເຖິງມັນຊິບໍ່ສົມຫວັງແຕ່ມັນກະເຮັດໃຫ້ເຮົາຮູ້ສຶກດີໃດ໋ ເຖິງເຂົາຊິບໍ່ມັກເຮົາແຕ່ເຂົາກະບໍ່ໄດ້ຫລິ້ນກັບຄວາມຮູ້ສຶກເຮົາ ບໍ່ເຫັນເຮົາເປັນຕົວຕະຫລົກ
ກະຫລາຍປີແລ້ວ ແຕ່ພໍເຈີສະຖານະການຄ້າຍກັນປຸ໋ບ ມັນກະນຶກຂຶ້ນມາຄືນທຸກຢ່າງແບບຈື່ໄດ້ດີເລີຍ ຫນັກໄປກວ່ານັ້ນແມ່ນ
ຮູ້ສຶກຢາກຮ້າຍຜູ້ຊາຍຄົນນັ້ນແບບອັດຕະໂນມັດເລີຍທັງໆທີ່ເຂົາບໍ່ຜິດ ຢາກຮູ້ວ່າໃຜມີຄຳແນະນຳດີໆບໍ ໃຫ້ເຊົາເຫັນພາບຫລອນໆພວກນີ້ ຂ້ອຍກະບໍ່ໄດ້ມັກເດັກຜູ້ຊາຍຄົນນັ້ນແລ້ວດອກ ເພາະຂ້ອຍກະບໍ່ແມ່ນເດັກຜູ້ຍິງໂງ່ຄົນເກົ່າ ແຕ່ທີ່ຍັງຈື່ຍ້ອນຂ້ອຍຊັງຜູ້ຊາຍຄົນນັ້ນຫລາຍກວ່າ 
ພຽງແຕ່ບໍ່ຢາກເປັນຜູ້ຍິງທີ່ບໍ່ເບິ່ງໂຕເອງ ການເປັນຜູ້ຍິງທີ່ຄິດໄປເອງແມ່ນໂງ່ສຸດໆເລີຍ
ຢາກລົບພາບພວກນີ້ອອກຈາກຫົວສະຫມອງຈາກແນວຄິດ ຂ້ອຍຕ້ອງເຮັດແນວໃດຈັ່ງຊິຂ້າມຜ່ານສິ່ງນີ້ໄດ້



SHARE
Written in this book
notopic
Writer
ISFJ
skyline and sun
some things in my mind

Comments

TheEmptyRoom
1 year ago
ຈຸດອ່ອນຂອງຜູ້ຍິງຢູ່ທີ່ຫູ ຈຸດອ່ອນຂອງຜູ້ຊາຍຢູ່ທີ່ຕາ... ທຳໃຈ
Reply
ISFJ
1 year ago
ເຈົ້າເດ ມີຈຸດອ່ອນຢູ່ທີ່ຕາ ຫລື ຫູ???
TheEmptyRoom
1 year ago
ຮາຮາ 🙃
ISFJ
1 year ago
ເອັມມີ🙃🙃🙃